Jahresbericht 2025

Bilgerer Filmfestspiele 2025 – Jahresbericht des Präsidenten

Liebi Mitglieder, liebi Filmfründe vom pflegte Durschtlösche
Willkomme zur diesjährigen Uusgab vo de «Bilgerer Filmfeschtspiel» –
em einzigä Feschtival, wo d’Hauptrolle nöd ad Hollywood-Stars gönd,
sondern a durschtigi Lüüt.

🎞 Episode 1: D’Rückkehr vo de Bar
In de Haubtrolle: D’Zapfhahne (Mitglieder) – merci viel viel Mal für din Ufwand.
Nebedarsteller: Es paar flissigi Helfer, ohni die dä ganzi Barbetrieb gar nöd möglich wär – ah dere Stell: danke viel Mal! Die Komparserolle hätt dä Umsatz gha – isch au chli schüüch gsi.

7 Mal hämmer d’Bar mit Stolz uufgmacht – und jedes Mal mit dä Hoffnig, dass dä Rubel das Mol würkli rollt.
Joa...
Aber mir säged: Umsatz isch nöd alles – d’Stimmig isch unbezahlbar!
Und devo hämmer bekanntlich meh als gnueg gha. 🍻

🃏 Episode 2: S’Jassturnier – Ass, König, Trumpf!
Es organisatorischs Meisterwärch, en Publikums-Hit!
Voller Spannig, Emotione und leicht erhöhtem Bluetdruck.
Da isch alles debi gsi: taktischs Denken, debattiere, und natürlich s’einte oder anders Getränk für d’Nervä.
En Tag, wo de Roger Federer wahrschiinlich als «mentals Grand Slam» bezeichnet hätt.

🍻 Episode 3: Oberdorffest – Teil III: Dr Präsident schlaht zrugg
Nach drü Jahr Pause isch s’legendäri Oberdorffest ändlich wieder am Start gsi.
En volle Erfolg, es Summermärli in rot-wiis –
bis de Präsident denn i de Zwüschephase e chlini Leistigspause ihgleit het.
Mer chönt säge: Er hätt miteme guete Biispiel vorahgah.
und das hätt er au… allerdings Richtung Bode.
Aber wie heisst’s so schön?
Wer feschtet, der darf au mal abegheie.

🚌 Episode 4: Dr Bilgerer Fanausflug – Mission Herrliberg
Afang November isch’s los gange mit em Fanclub –
go luege, wie sich d’1. Mannschaft in Herrliberg schlaht.
En Tag voll Leidenschaft, Bier und Optimismus.
Aber wie im beschte Drama isch dä Twist grad in dä Halbzyt cho: Spielabbruch!
Wätter? Platz? Schiri? – völlig egal.
D’Stimmig hätt’s keis bitzli gstört.
Ganz im Gegentail:
Die zweit Halbzyt hämmer eifach i flüssiger Form no meh wieterführt –
i de Beiz, im Bus und im Härz vo allne, wo debi gsi sind. ❤️

🎬 Abspann
Es Jahr voll Highlights, voll Einsatz und ganz viel Bilgerer-Seel.
De Präsident sait:
Merci a alli, wo gholfe, trunke, glacht, organisiert und treit händ – vor allem mich.

Rico Hölzel

Präsident

Mach auch du dich zum BILGERER und unterstütze somit den FC Embrach!

Ob auf der Tribüne bei den «Eis»-Spielen oder mit finanziellem Zustupf in die Juniorenabteilung sind wir Fanclub und Supporter zugleich. Bei den Heimspielen der 1. Mannschaft betreiben wir unsere legendäre Bilgerer-Bar und zu auserwählten Partien begleiten wir das Team mit dem Fan-Car.

In den Jahreskalender gehört auch das Blitzlichtturnier, bei dem sich Vereine aus dem Embrachertal beim Fussballspiel herausfordern. Hier sind wir auf euch Mitglieder angewiesen, um den Event reibungslos und erfolgreich über die Bühne zu bringen.

Sei es als Aktiv- oder Passivmitglied, wir freuen uns über jeden Mitgliederantrag.

Aktivmitglied Fr. 65.00 jährlich
Passivmitglied Fr. 20.00 jährlich

An jenem Samstag, dem 22. September 2001, ist unser Verein "Bilgerer" entstanden. Es ist kurz zu erläutern, wie das ganze von Statten gegangen ist. Marco Spadaro, Sandro Blum und Rolf Heusser sind spontan im Pub Embrach auf das Thema Fussball...